En formándose en payares del 2000 en Xixón, The Stormrider (nome n'inglés que bien podria tornase al asturianu como 'El Nuberu') entamaron bien llueu a ser reconocíos como una de les bandes de metal más prometedores d'Asturies, ganando'l concursu de maquetes "Nivel 0" en 2001.

El so discu (Criseida, 2003) -qu'algamare'l Top 10 nes llistes de ventes Tipo nel so primer mes- espublizóse en tol mundu acollechando darréu perbones crítiques de siguidores y prensa especializao. Producíu por Alberto Rionda (Avalanch) y masterizáu nos Finnvox Studios de Finlandia, Criseida ye un álbum conceutual (una Ópera Metal) qu'amuesa un power metal de calter escuru, pernuevu na so dómina y xéneru.

Esti ésitu llevólos a axuntase al tour d'Avalanch en 2003-2004 y a abrir los conciertos de los holandeses Epica nel so tour español de 2004, pañando -otra vegada- una más qu'escelente rempuesta nel so públicu.

En 2004, la banda sufre delles baxes -bonaces- y camuda la so formación. Pero The Stormrider guarden silenciu dende entós p'acá...